ZALEN May 13, 2026: Ngopa Joint Action Committee (JAC) chuan NH 102B Package-2 siam mekah an ngennain awmzia a neih loh chuan May 14, 2026 (Ningani)-ah total bandh huaihawt an tum.

Ngopa JAC chuan NH 102B Package-2 siam mekah hian hna a chhiain a nih tur ang a ni lo nasa niin an sawi a. Zangnadawmna hnawl chungchang te, khaw chhung kawng peng hrang hrang laih chhiat siam that leh loh te, kawng zau zawng a nih tur ang tling lo lutuk te, hmanraw hman a chhe lutuk leh thil dang tam takah a nih tur ang a ni lo nasa a, hemi chungchangah hian NHIDCL, contractor leh Chief Secretary hnenah hma lakpui tura an ngenna chuan awmzia a nei lo nia a lan thu an sawi.

May ni 13 thlenga an ngennain awmzia a neih loh chuan Ninganiah Ngopa khaw chhungah total bandh huaihawt a ni dawn a, hei hian awmzia a nei lo zel a nih chuan NH 102B chu tiam chin awm loa khar a ni dawn tih an sawi.