Aizawl July 4, 2024 : Vawiin khan New Diamond School Field Veng Mamit-ah, NH 44 A-in a pal tlang kawngpui chhiat lutuk avanga harsat tawk, Mamit khawpui chunga Veng thenkhat - Field veng Khawtlang nu leh pa te, New Mamit VC, MUP, MZP, MSU, ZPM Central Block Media Cell aiawh te bakah New Diamond School Staffs te leh Zirlai nu leh pa te chuan he kawngpui siam that a nih theihnan a hmalak dan tur ngaihtuahin an thu khawm.

He kawng chhe lutuk avanga harsatna an tawh te sut kian thuai a nih theih nan hetiang hian kal khawm te'n Resolution an siam a ni.

1. NH44A Kawngpui siam hi a hmanhmawh thlak tawh avangin, Vawiiin ni 4.7.2024-a Kalkhawm ten kan remchan ang ang pawisa thawhkhawm a, Field atanga PWD office, Lungsir thleng, kawng khuar zual lai hi hnatlanga hnawh ni rawh se.

2. NH44A kawngpui hi Highway peng atanga Field thleng hi a rang thei ang berin Sawrkarin min siam that sak rawh se. ".

Kawngpui siam Hnatlang an neih turah buaipui ngai te lo buaipuia hma lo la turin hetiang hian hruaitu an ruat nghal bawk.

Chairman : Lallungmuana Sailo, VCP New Mamit

Secretary : C. Lalrinchhana, Field Veng

Treasurer : Zoliansanga Tlau, Principal New Diamond School.

Pawisa hi Zoliansanga Tlau (8413994352) hnenah Gpay emaw pawisa faiin emaw pek khawm nise an ti bawk.

He an hmalakna hi Khawtlang mipui te thlawp tlat a, a ul ang anga hma lakpui turin an ngen nghal bawk a ni.