ZALEN October 8, 2024 : Inrinni atang khan Aizawl district bikah African Swine Fever avanga Vawk thi an awm tawh lo a, hri kai suat pakua an awm thung a, ASF hian ziaawm lam a pan niin a ngaih theih.

Ni li chhung hi chuan District pali-ah bak vawk thi leh suat hi an awm tawh lo a, Serchhip, Hnahthial, Lunglei-ah te vawk thi an la awm a, Aizawl-ah hi chuan hrikai suat chiah a awm.

Pathianni khan Serchhip leh Hnahthial-ah vawk thi 10 a awm a, Aizawl, Lunglei leh Serchhip-ah te vawk 30 suat a ni.

Thawhtanni khan Lunglei leh Serchhip-ah vawk 9 ASF avangin hian an thi a, Aizawl, Lunglei, Serchhip leh Hnahthial-ah vawk 20 suat a ni.

Vawiin Thawhlehni hian Serchhip leh Hnahthial-ah vawk thi 22 an awm leh a, Lunglei, Champhai, Serchhip leh Hnahthial-ah vawk 43 suat leh a ni.

2024 hian ASF avangaa vawiin thleng hian Mizoram-ah vawk thi 13831 an awm tawh a, vawk suat hi 23053 awm tawhin khua/veng 245-in an tuar a ni.