Aizawl March 28, 2023 : Excise & Narcotics Department chuan March 24 leh 28 inkar chhung khan Mizoram hmun hrang hrangah Heroin gram 913.800 (Hawng 68) an man a, Heroin vanga mante hi The Narcotics Drugs & Psychotropic Substances Act, 1985 (NDPS Act) tlawhchhanin thubuai siamsak an ni.

March 24, 2023 (Zirtawpni) zan khan P&E Veng, Serchhip-ah Heroin gram 33.530 (Hawng 3) leh a neitu nia puh mi pahnih – Lalneihmawii (45) D/o Kapchungnunga (L), N. Khawbung leh Rosiamliani (43) D/o Dothanga, P&E Veng, Serchhip-a khawsa nia inchhalte chu an man. 

March 25, 2023 (Inrinni) zan khan Mualvawm, Serchhip District-ah Heroin grams 37.830 (Hawng 3) leh a neitu nia puh mi pahnih - Lalnunmawia (22) S/o Biakchungnunga, Darnam Veng, Serchhip leh Hmingthianghlimi (26) D/o Roṭhianga, Khuangthing, Serchhip District-a khawsa nia inchhalte chu an man.

Anti-Narcotics Squad, Excise & Narcotics Department chuan March 26, 2023 khan Zarkawt leh Thuampui Vengah Heroin gram 353 (Hawng 27) leh a neitu nia puh mi pahnih – Thangngaihlian (45) s/o Kapnang (L), Khawmawi, Myanmar leh Khenchung (49) s/o Kapnang (L), Suanzang, Myanmar-a khawsa nia inchhalte chu an man. Anti-Narcotics Squad te hian hemi zan vek hian Tuikual South-ah Heroin gram 16 (Tictac bur 49) leh a neitu nia puh –
Sangsawmlala (30) s/o Thangzahata, Champhai Bethel, tuna Tuikual South-a khawsa mek nia inchhal an man bawk.

March 28, 2023 zing hian END te hian Thenzawl bul Muallet hmunah Heroin gram 396.440 (Hawng 30) leh a neitu nia puh mi pathum - Lalpanliani (48) D/o Lalnunmawia, Zokhawthar, Neuva Section; Lalropeka(29) S/o Lalhmangaiha, Kahrawt Veng, Champhai leh Lalnuntluanga (32) S/o Lalramchhana Dinthar Veng, Champhai-a khawsa nia inchhalte an man bawk.

Anti-Narcotics Squad, END te hian vawiin March 28, 2023 (Thawhlehni) chawhnu khan Bawngkawn Shalom vengah Heroin gram 77 (Hawng 5) leh a neitu nia puh – Ninkhansing (33) s/o Enkhandal, Munlai, Tahan, Myanmar, tuna Bawngkawn Shalom Venga khawsa mek nia inchhal an man leh bawk.