Ni hnih awh tur Free Dental Clinic hawng
Oct 06, 2025

ZALEN October 6. 2025: Health and Family Welfare Department, Govt. of Mizoram, Indian Society of Prosthodontics Restorative Periodontics (ISPRP) leh Mission Foundation Movement te tangkawpin an buatsaih, ni 2 chhung awh tur, a thlawna ha entir theihna hun, Free Dental Camp chu vawiin khan Civil Hospital, Aizawl-ah kalpui tan a ni.


Health & Family Welfare Minister Lalrinpuii chuan he hun hawnna hi hmanpuiin, Dubai atangin Professor Dr. Lovely Muthiah Annamma leh Professor dang 3 te bakah Asan Dental College, Chennai atangin Internship tilai mi 3 an tel bawk a ni.


Minister Lalrinpuii’n chuan ram pawn atanga an hun hlu tak senga Doctor thiam tak tak an lokal chu lawmawm a tih thu a sawi a, Mizo mipuite’n he hun hi lo hlawkpui ngei se a duh thu sawiin, a tam thei ang ber inentir turin a sawm nghal. "Mizote’n zuk leh huam kan tih nasast thu sawiin hei hian hlawkna eng mah min pek loh mai bakah natna serious tak tak, Cancer leh a dangte kan vei nasat phah hle zawk a ni," a ti. 


Zuk leh hmuam leh kuhva laka inthiarfihlim a pawimawhzia a sawi bawk. Mipuite chu he free dental clinic-ah hian inentir mai nilova, ka leh a vel vawn fai chungchangah te, zirlai tha tak tak zir chhuah tum theuh turin a chah bawk a ni.


Free clinic hi ni hnih chhung awh tur niin Thawhtan leh Thawhlehni chhung hian a duh apiang tan a thlawnin Civil Hospital, Aizawl-ah OPD Card lain a inentir theih dawn a ni.

Latest News & Chhiar Hlawh