October 5, 2023; Mizoramah tunhnai ni hnih chhungin Methamphetamine (Crystal Meth) kg. 20 chuang, cheng vbc. 60 chuang hu man a ni.

October 3, 2023 khan Lengpui Airport-ah Methamphetamine (Crystal Meth) tam tham tak man a ni. Meth hi Kg 10.4 niin, a hlut zawng hi international market rate-ah cheng vaibelchhe 31 chuang hu nia chhut niin, ruihhlo neitu hi Myanmar khua leh tui, Delhi-a Spa-a hnathawk a ni tih hriat a ni.

Nizan (4.10.23) dar 7 vel khan Aizawl District Special Branch (DSB) team te chuan Zemabawk East ah ah lirthei pakhat Tata Intra atangin Crystal Meth kg 11.6 a rit, cheng vbc. 34 man hu chu Ropianga (37) s/o Lalthanga, Khawmawi, Myanmar nia inchhal kut atangin an man.

Heng ni hnih chhung a ruihhlo man te hi tun kum khat chhung a Mizoram a tum khat a ruihhlo man hnem berte an ni