ZALEN October 15, 2025: Mizo Writers Association buatsaih, Lehkhabu Pho Rûnpui ṭum nga na (LPR -5) chu Vanapa Hall-ah neih zel a ni a, October ni 13, 2025 thleng, ni li chhunga lehkhabu hralhna man aṭangin Rs 5,86,323/- hnuh a ni tawh. 

Lehkhabu pho rûnpui ṭan ni October ni 9- ah Rs.1,69,588/- hmuh a ni a, October ni 10-ah Rs.1,73,755/- man hralh a ni a, October ni 11 -ah Rs.1,35,650/- man hralh a ni a, October ni 13-ah Rs 1,07,330/- man hralh a ni bawk.

Lehkhabu pho rûnpui hi October ni 16, 2025 ah a tawp dawn a, a tawp niah hian zan dar 9 thleng hawn tur a ni ang. Vanapa Hall-a ziak mite kut chhuak pho chhuahah hian, ziak mi 124 kut chhuak pho chhuah a ni. A buatsaihtute chuan chawhnu lam, tlai lamah tlawhtu an tam zual zel niin an sawi.