Priyanka Chopra chuan a sawi chhuah duh ngai meuh loh Nick Jonas nen an inkar a sawi chhuak ve ta nge nge a, an intawn tirh khan Nick lakah hian a rilru a lo hmin hma viau a ni awm e. Hun rei pawh rial loin a 'yes' nghal mai a, tun hun hi an thleng chho ta a ni. 

Kum 40 mi Boolywood star chuan, "Nick Jonas lakah khan rilru ka siam fel hma hle a, amah kha ka duh a ni. Kha tih lai khan kum 25 mi a ni a, rockstar a ni. Kei kha kum 35 mi ka ni tawh a, pasal neih a, chhungkaw din kha ka duh ber chu a ni. Chhungkua din a, fa neih kha ka suangtuah lian ber chu a ni," tiin, Nick Jonas nen an intawn tirh lai vela a rilru put hmang a sawi chhuak.

'Citadel' star hi TODAY chuan cover girl atan an hmang a, an interview-ah hemi chungchang hi a sawi chhuak. Priyanka chuan, "Kum 35 mi nih tawh chuan rilru pawh a fim tawh a, kan in date hmasak ber atang khan Nick Jonas rilru put hmang khan min hneh em em a ni. A mihring mihrinnaah pawh mi tha tak a ni," tiin a pasal ni zui ta hi a fak hle. 

American singer Nick Jonas leh India chhul chhuak Priyanka Chopra te hi kum 2019 khan an innei a, an sakhaw vawn ve ve - Hindu leh Kristian danin an innei a ni. Jodhpur, India-ah an innei a, tunah chuan fa pakhat Malti Marie an nei. An fa hi surrogate hmanga an neih a ni a, a pian tirh hian ni 100 chhung zet chu NICU (Newborn Intensive Care Unit) ah a awm nghe nghe a ni. 

Priyanka Chopra hi action series 'CITADEL' ah a chang a, April 28 khan tlangzarh niin, Amazon Prime-ah en theih a ni. A pasal Nick Jonas pawh Jonas Brothers album thar tur atana a buai ve hle a, May 12 hian an tichhuak dawn a ni.