Nimin Pathianni kha Easter Sunday a ni a, he hun hi Nick Jonas leh Priyanka Chopra te pawhin ei tu tui hnai tak tak nen an lawm.

An thlalak dunnate chu social media lamah tarlangin, caption-ah 'Happy Easter from us' tih an hmang. Priyanka leh Nick te hian January khan fanu an nei a, Easter an hmannaah pawh hian a tel a, mahse a thlak hmuh tur a awm ve lo thung. 

Nick leh Priyanka te hi American leh Indian an ni a, an hnam nunphung a inpersan hle - heti chung hian an hnam chindan leh kalphung hrang hrangte an inhlut tawn sak hle. Hindu sakhaw zuitute hun pawimawh Holi 'Festival of Colours' pawh urhsun takin an lo hmang dun tawh a, Kristiante hun pawimawh Easter pawh hlim takin an hmang dun leh a ni.