ZALEN November 16, 2025: Nikum krismas leh kumthar vuakvetah halpuah leh halmawi kawl leh zuar leh halte lakah thubuai 48 ziah luh a ni a, dan bawhchhia mi 53 man an ni bawk. 

Aizawl Superintendent of Police Zosangliana, IPS chuan Mizoram Journalists' Association office bearer-te lengah sawmin he thu hi a sawi a. Hunpui vuakveta halpuah leh halmawi an man belhkhawm hi nuai 23 chuang a ni tih sawiin kum hmasa lama dan bawhchhia an man zinga mi 14 chu convict an ni tih an sawi a, mi 16 chu discharge niin thubuai 17 chu court-in a ngaihtuah mek tih an sawi bawk.

Aizawl SP chuan kuminah pawh halpuah leh halmawi khapna chu kenkawh leh an tum tih sawiin mipuite chu thupek zawm a, dan bawhchhe lo turin an ngen tih sawiin, “Dan zawm hi khua leh tui tha nihna a ni a; chuvangin, mipuite tha taka min tawiawm turin kan sawm a ni,” a ti bawk.