DOWNLOAD OUR APP

Read latest news on your phone
app-store

Nipui lo thleng turah Kylian Mbappé leh Lionel Messi ten PSG an chhuahsan dawn em?

Nov 06, 2022

Club tam tak chuan player tha tak tak thlak kualin an dinhmun an siam thin a, chutiang bawkin Monaco vice-president Vadim Vasilyev-a pawhin a kaihhruaina hnuaiah club hlawhtlinna lian tham tak neih puiin player tha tak tak a la lut a, hetiang ti tur hian mi bik nih a ngai fo thin.

Club tam tak chuan player tha tak tak thlak kualin an dinhmun an siam thin a, chutiang bawkin Monaco vice-president Vadim Vasilyev-a pawhin a kaihhruaina hnuaiah club hlawhtlinna lian tham tak neih puiin player tha tak tak a la lut a, hetiang ti tur hian mi bik nih a ngai fo thin. Sir Alex Ferguson pawhin Manchester United-ah thiam takin hetiang thil hi a lo hmang tawh a ni. Mahse, QSI-in PSG an lei aṭang khan an player duh chu an la lut mai a, chutiang thil chu a danglam thuaiin a rinawm. 

Nikum nipui lai khan Lionel Messi chu an lalut a, kum khat hnuah Kylian Mbappé-a contract thar duan sak lehin a cham zui. Tunlai khawvel-a player ropui ber leh thawm lian ber an lak luh hma pawhin player ropui an kawl sa nual bawk. Chuti chungin striker ropui Erling Haaland hming pawh an sawi ri leh tawh. 

Mahse, Paris ropuina vawrtawp hi a thleng mek niin sawi a ni a, nakkum nipui transfer hunah hian thil danglam a thleng thut thei reng a ni. Messi leh Mbappé te hmalam hun sawi theih a ni rih lo va, an club khelh meknaah an cham chhunzawm dawn em tih lah a hriat hek loh. 

France lama Messi-a kum hnih daih contract hi season kal lai zawh rualin a tawp dawn a, contract thar chungchangah inbiakna neih inhuam viau mah se kum 35 mi Messi hi a cham chhunzawm zel dawn em tih a chiang thei rih tlat lo. Hetih mek lai hian French media pakhatah Mbappé chuan a contract thar ziah chu pawi a tih thu a lo sawi ve bawk a, kum 2023 hian club dangah a liam thut maithei niin an sawi. 

PSG neitu Qatari chuan Qatar World Cup chhung ngeiin player pahnih te cham chhunzawm zel dan tur a ngaihtuah dawn nia sawi a awm bawk. Anni pahnih hi an chhuak a nih vaih chuan khelmual chhung leh pawnah nghawng a nei lian dawn hle a, club tan chhiatna nasa pawh a thlen thei ngei ang. 

Share now