ZALEN April 30, 2026 : State Emergency Operation Centre chhinchiah danin tunhnaia ni 3 chhung ruahsur leh thli tleh avangin Mizoram hmun hrang hrangah chenna in 155 a chhia a, sawrkar pisa leh quarter 13 a chhe bawk a, chhiatna thleng avanga nunna chan erawh an awm lo.

 DM&R hotute sawi danin Mizoramah Lunglei District chu chhiatna thlen tam berna niin chenna in 85 ngawt a chhia a, sawrkar building pawh chhe telin Baptist biakin pawh thli leh ruah in a tihchhiat zingah hian a tel a ni.

Aizawl District ah chuan chenna in 44 chhia in Siaha District-ah chenna in 14 tihchiat a awm a, Ruahsur leh thli tleh hian District hrang hrang 8 ah chhiatna a thlen a ni.

Sawrkar pawhin zirlai naupangte him nan ni 2 chawlh a puang a. Khawchin hrilh lawk tute sawi danin ni 3 chhung vel ruah leh thli hi la thawk chhunzawm thei anih thu an sawi a, mipuite fimkhur turin an chah a ni.