Aizawl: Rorellai MPCC chuan Gauhati High Court-a NLUP dawngtu turte thlan dan dik lo leh thlan dan tur guidelines awm lo ang a Mizoram sawrkar an hek avanga NLUP tanpuina dawng mai tur hrek khawtlai a ni chu pawi an tih thu an sawi. Nimina thuchhuah an siamah MPCC chuan NLUP dawng thei tur thlan dan chungchang chu a tir te ah NLUP Manual tia hming vuahin duan tel nghal a ni an ti a. Hetiang guidelines awm reng chung si a sawrkar hek tuin guidelines awm lo ang leh NLUP tanpuina sem chungchangah thil langtlang lo a awm ni awm taka Gauhati High Court a hrilh hi a vanduaithlak hle a ni tiin tuna hekna pawh hi inkaihhruaina mumal a awm reng laia inkaihhruaina awm lo ang a sawi a nih avangin High Court a thubuai awm ang a lang hi awlsam taka chinfel tur a nia sawiin NLUP hi sem chhunzawm a ni thuai dawn a, Mizoram hmun hrang hranga NLUP dawng tura thlan mirethei te lo lungngai lo tur leh chiai lo turin MPCC chuan a chah a ni, an ti bawk.