ZALEN June 10, 2026 : No Official Vehicle Day puala sawrkar hnathawkte office kal lam leh haw lamin an hman theih tura Mizoram State Transport (MST) Bus Service ruahmanna a lo siam tawh chu hmangtu (passengers) an awm loh avangin an sut leh.

Middle East buaina kal zelah sawrkar laipui chuan tuialhthei renchem turin ruahmanna a siam a. Chumi bawhzui nan chuan Mizoram sawrkar pawhin Nilaini apiang chu ‘No Official Vehicle Day’ atan a puang a, sawrkar hnathawkte pawh inkal chhawk tura tiin staff zinga 20% chu in lam atanga hna thawk turin ruahmanna a siam a ni.

Tarlan tawh angin No Official Vehicle Day pual hian Transport Department chuan June ni 1, 2026 aṭanga khan sawrkar hnathawkte office kal lam leh haw lamin an hman theih turin MST Bus hi alo Service tir tawh a ni.

Hetih lai hian, kar tina Nilaini (Wednesday) apianga sawrkar lirthei tlanchhuah loh ni, "No Official Vehicle Day" hman mek laipui hi chu a ngai rengin kalpui chhunzawm zel a ni dawn thung a. Sawrkar hnathawkte chu official vehicle hmang lovin office kal leh haw hna an thawk chhunzawm thung dawn a ni.