Aizawl; Nimin khan Aizawl East District Thianghlimna Committee hmalaknain Aizawl khawpuichhung Pastor bial 5-ah Zuk leh hmuam that loh dan zirna “Seminar on No Tobacco’ an nei. Seminar hi Aizawl khawpui chhung Pastor bial 5- Bawngkawn, Zemabawk, Bazar, Bethlehem leh Upper Republic bial ah te neih a ni a, MSTCS leh ISTH(M) ten an hmanpui. Upper Republic bial seminar hman puitu Dr.Jane R.Ralte Nodal officer Mizoram state Tobacco Control Society chuan, "India ram pumah Mizote chu a hmei a pa-in zuk leh hmuam ti nasa ber kan ni a, pakhata dinhmun hauh nan chuan a chhuanawm loh hle a Mizo mipui 100 zela 67.2 (67.2%) hi zuk leh hmuam ti thin leh ti mek kan ni a. Vaihlo-ah hian taksa tana tha lo chemical thil 7000 zet a awm a, za zela 80 (80%) chu cancer a thlentu an ni,” tiin a sawi. UPC (NEI) Aizawl East District hian an huam chhungah 2015 atang hian rawngbawltu zuk leh hmuam ti thinte chu pulpit atanga thusawi a phal dawn lo a ni.