Aizawl: December 2015 chhunga Traffic Police ten inngaihdamna awmlo ‘No Tolerance Drive’ an neih chhungin dam bawhchhia lirthei 1109 an man a, an pawisa chawi tlingkhawm hi Rs. 4,13,151 a tling a ni. Lirthei man zingah hian two wheeler tam berin 766 man a ni a, an pawisa chawi tlingkhawm chu Rs. 2,74,650 a ni a. Pahnihna chu LMV niin 158 man a ni a, pawisa chawi tlingkhawm chu Rs. 69,801 a ni a. Pathumna Taxi niin 146 an man atangin Rs. 56,700 hmuh a ni a, pali na HMV 33 atangin Rs. 10,500 leh Bus 6 atangin Rs. 1500 hmuh a ni. Lirthei dan bawhchhiat dan tlangpui zingah registration number chianglo (394) an tam ber a, a hmun lova lirthei dah 'no parking' (299), driving license nei lova khalh (194), MV Rules bawhchhia (165) leh order/signal zawmlo (90) te an ni.