Aizawl : North East India-a hmeichhia ruiththeih thil khawih thin te chu mihring dikna chanvo (human rights) chhuhsakin an awm fo thin thu UNODC (United Nation Office on Drugs and Crime) palai New Delhi a hmunpui pakhat nei chuan ZALEN palai a hrilh a, nimina UN in zirchianna a neih 'Women Who Use Drugs in Northeast India' zir honaah tarlan a nih thu a sawi bawk. "North East a hmeichhia drug ngawl vei te chuan hriselna lam emaw enkawlna an dawng pha mang lo tlangpui a, HIV, Hepatitis C , chhungte kuttawrh leh tual thah thu- ah him lo bik group (high risk) ah an awm deuh vek a. Harsatna sawi turin an zak a, khawtlang leh chhungte thlengin endawng an la hlawh fo a ni,” a ti a; tun dinhmunah hmun tlem te ah thinhrik ni lo mahse drug luh tirh atanga hetiang ngaihdan a awm avangin mipui pawhin an than hnan hman tawh a ni," tiin Kunal Kishore, UNODC South Asia bialtu chuan ZALEN a hrilh bawk. "Ngawl vei hmeichhiaah thinhrik (stigma) nia inhriatna a siam thin a; khawtlang anga kan en dan hi a ni pakhat a, Kohhran pawhin thinhrik lo inti mahse an zinga tel an inthlahrun na chhhan? tih hi chhan a har khawp anga, pawm dan inthlak hlawk tur chuan hun a duh rei ka la ring” tiin Mizoram a NGO rintlak tak 1 chuan ZALEN a hrilh. Mahse tunah hian hmeichhe tam tak chu an nihna angin an inpholang ngam tawh a; chutiang ti duh lo inthup eng nge maw zah an la awma, anni hi HIV leh Hepatitis C kai darhtu lian tak an ni bawk,' tiin Mizoram NGO rintlak tak chuan ZALEN a hrilh a ni. UNODC hnuaia Chhimthlang rambialtu Kishorepoawhin enkawlna duhthusam Hmarchhak Indiaa a awm loh thu uar taka sawiiin “Tuna enkawlna an pek hi mipa ngawlvei enkawlna tura duan a ni a, hmeichhia te chuan an hman tawm thei mai tura ngaih a nih laiin hmeichhia te'n mamawh an neih chu mipa nena khaikhin chi a a ni loa an mamawh a hrang hlak a ni,” a ti. Nimina neih intawhkhawmnaah hian mi pawimawh an tel tha hle a, activist, khawtlang hruaitu, NGO leh thalai sawm bik te an tel a. Kalkhawmre chuan NE-a hmeichhe drug ngawl vei te enkawlna tha zawk te; ei leh bara intodelh tir emaw puih an ngaih pawimawh ber a ni a; policy duan a tul an tih bakah leh siam tura thuneitute nawr thluk an tum niin kan hudawnna chuan a sawi.