Aizawl March 3, 2023:  Aizawl North-II bialtu Dr Vanlalthlana, MLA  chuan tukin khan Ramhlun Venglai YMA Committee Room-ah a bial chhunga YMA branch panga (5) leh Welfare pakhat (1) hnenah CCTV a hlan.

Dr. Vanlalthlana chuan CCTV-a pek tawhah vengchhung leh police te hnen atanga an chhawr tangkai tih thu a dawn avanga dah belh tura ngenna a awm avangin MLA fund atangin CCTV hi a lei tih a sawi. CCTV hi a thawh thumnaah, YMA branch la dawng lo te hnenah pawh pek zel a tum thu Aizawl North – II MLA chuan a sawi bawk.

Aizawl North-II MLA hian 2022 khan a thawh khatna atan a bial chhungah CCTV hi a sem tawh a, tukin zingah a thawh hnihna atan YMA branch panga (5) leh Welfare pakhat (1) hnenah hian IP CCTV system hi a pe leh a ni.