DOWNLOAD OUR APP

Read latest news on your phone
app-store

Norway-a Suu Kyi piancham lawmnaah Rebecca Saimawii zai dawn

Jun 10, 2022

Mizo zaithiam chuai thei lo Rebecca Saimawii chu Norway-a Myanmar ram hruaitu Aung San Suu Kyipiancham lawmnaah a zai dawn. Kum 76 mi Aung San Suu Kyi piancham hi June 19 a ni a, mahse Pathianni a nih avangin June 18-ah lawm a ni dawn a, he hunah hian Rebecca-i hi zai tura sawm a ni - June 14-ah India chhuahsanin Norway a pan ang. 

Mizo zaithiam chuai thei lo Rebecca Saimawii chu Norway-a Myanmar ram hruaitu Aung San Suu Kyipiancham lawmnaah a zai dawn. Kum 76 mi Aung San Suu Kyi piancham hi June 19 a ni a, mahse Pathianni a nih avangin June 18-ah lawm a ni dawn a, he hunah hian Rebecca-i hi zai tura sawm a ni - June 14-ah India chhuahsanin Norway a pan ang. 

Norway-a Frolands-ah Aung San Suu Kyi park din a ni a, he hmunah hian June 16-18 inkar hian Suu Kyi piancham pualin festival buatsaih a ni dawn. Heta tanga an sum hmuhte hi Myanmara sipai sawrkar hnuai harsatna tawkte tanpui nan hlan a ni ang. Rebecca Sawimawii hi a hmunah ngei a kal theih dawn avangin, Myanmara sawrkar paihthlak tak National Unity Govermant of Muanmar (NUG) chuan a pualin July 2-ah concert an buatsaih zui dawn bawk. 

Kum 2016 khan Norway leh Myanmar te chuan inlaichinna tha an nei tih lantir nan Frolands, Norway-ah Aung San Suu Kyi park an din a, he hunah hian Myanmar ram hruaitu piancham hi lawm a lo ni tawh thin. Nikum pawh khan lawm a ni a, mahse hripui leng avangin online-a neih a ni a, hemi tum hian Mizo zaithiam Rebecca-i pawh hi a lo zai tawh nghe nghe. Mipui lawm a hlawh em avangin kuminah pawh zai tura sawmna a dawng leh a, hripui leng a zia tawh avangin a hmunah ngei kalin a zuk zai thei dawn ta a ni.

Rebecca Saimawii chuan, "Myanmar revolution tana theihtawp ka chhuah vena leh an tana zai hmasa ber ka nihna te hriaiin min rawn ngaihlu ve a ni," tiin sawmna a dawn dan chungchang a sawi a, amah pawh a phur tawh hle. Tluk taka hun a hman theih nan Zalen chanchinbu chuan duhsakna kan hlan e. 

Share now