Leitlang Pictures kutchhuak 'Ambush' film chu veng leh khaw hrang hrangah show kalpui a nih hnuin Lersia Play app-ah en theihin a awm dawn ta - November 3, 2023 atangin lei theihin a awm dawn a ni.  

Ambush hi October 5, 2023 khan Mizoram University Auditorium-ah Chief Minister Zoramthanga'n a tlangzarh. He film-ah hian tun lai mipate star rawn Marilyn Chhanchhani chu a changtu nu a ni a, a hmel hmuh a nawm avangin en tichakawm bertu pakhat a ni. Ani bakah hian lemchan lama tawn hriat nei tha tawh tak tak an inlan nual a, a hmuhnawm zia hre tur chuan en ve phawt a ngai. 

He film hi Mizoramin rambuai nasa tak a tawh behchhana siam a ni a, a hautak tur zia chu kan hrethiam mai awm e. Tlang hrang hrangah rambuai an tawh dan a inang lo fur a, chung thil thleng hrang hrang leh an tawrh dan lakkhawm atanga siam a ni. A siam nan hian Rs. 30,00,000/- zet sen ral a ni a, Mizo film awm tawh zingah budget sang ber a ni nghe nghe. 

He film hi kan hma lawka inthlanpui kan hmachhawn tur atana MNF campaign-na pakhat atana siam nia sawi a awm a, a dik reng em tih erawh hriat a ni lo.