Aizawl: MZP chuan Assam in khua leh tuia a chhinchhiah National Register of Citizens (NRC)-a hming chuang lo mi 424 an thawnkir tawh.   MZP President L.Ramdinliana Renthlei sawi danin ramria khaw 3 - Vairengte, Bairabi leh Saiphaiah an duty thin tih sawiin tun Bairabiah chuan sawrkarin ILP cell a duty-tir tawh avangin Nilaini kalta atang khan helai hmuna duty chu an chawlhsan hrih tih a sawi a.   August thla chhung ringawt khan Vairengte Police check gate atangin temporary ILP 7765 pekchhuah a ni tiin ILP pakhat pekchhuah nan hian Rs.130 zel lak a ni a, August thla chhung hian ILP atang ringawt hian Rs. 1,09,450 hmuh a niin thla dang ngaihtuah chuan a tam thu an sawi bawk.