Aizawl; Kum kalta 2013-2014 chhung khan Ni za inhlawhna tia hriat lar 'Mahatma Gandhi National Rural Employment Guarantee Scheme' ah Mizoram chuan cheng nuai 25,872.428 a hmang ral a, a hma kum aiin sum sen hi a tlem zawk. Statistical Handbook, Mizoram 2014 tarlan danin 2012-2013 khan Ni zainhlawhna atan hian nuai 28,051.163 hman a ni a, 2013-2014 aia sum hman a tam zawkna hi nuai 2000 chuang lai a ni. District 8 zingah Lunglei chu sum hmang tam ber niin Saiha chuan an hmang tlem ber a. Job Card pawh Lunglei district ah tam berin Saiha ah hian a tlem ber a. 2012-13 khan Mizoram pumah Job Card hi 1,74,643 a awm a, 2013-14 ah chuan 1,80,117 a awm thung a ni.