Aizawl: Chief Minister thuihhruai ten Serkhan-a driver Lalbiakzuala an sawisa nia sawi chungchanga PRISM-in hma laksak tura National Human Rights Commission an ngenna chu NHRC chuan pawmin case a ziak lut. PRISM thuchhuah tarlan danin NHRC-ah hian February 14, 2018-ah thu an thlen nia sawiin NHRC chuan an thu thlen hi pawmin Case entry number chu 18768 niin an sawi. PRISM chuan Lalbiakzuala sawisak chungchang chu Chief Minister-in a pha lo a,  Home Minister leh Police Department-in thu dikah an pawm nia sawiin heti chunga pawi khawihtute hrem an ni lo chu hun kal zel tur atan thil tha lo tak a ni thei dawn niin an sawi bawk.