BTS star V (aka Kim Taehyung) chuan Instagram lamah nula hmeltha rual BlackPink aiin follower a ngah zawk tlat mai! V hian December 2021 khan account a nei ve chauh a, heti chung hian follower maktaduai 48.2 a nei der tawh - lar bik rem rem khawp mai. 
  
Kum 26 mi South Korean singer hi a hming tak chu Kim Taehyung a ni a, a stage name erawh V a ni daih thung. Hmel pa 'man' tih tur ang kha ni lo mah se nulate duh zawng tak a ni tih hai rual a ni lo - khawvel nulate star rawn a ni tlat. Instagram account a neih atanga kum khat em pawh a liam hmain follower maktaduai 50 dawn a nei thei. 

V hian IG bikah chuan South Korean girl group lar BlackPink te chu follower neih tam lamah a khum der tawh a, K-pop star zinga follower ngah parukna a ni mek. BlackPink hian follower maktaduai 47.7 an nei a, post pawh an siam hnem tawh hle. Heti chung hian hun reilote chhungin V hian a rawn khum ta a ni - BTS ARMY te tan pawh kut benna tur a ni ngei ang. 

Hetih rual hian BlackPink star te pawhin a mimal chuan follower an ngah hle tih hriat tel a tha, Lisa phei chuan follower maktaduai 80.4 zet a nei a ni!