November 16, 2023; Nancy Lalneihpuii(22) D/o Nuhliri (Kanghmun South) chu chin hriatlohin a bo mek a, a chin hria chuan Kanghmun South khawtlang hruaitute hriattir turin an ngen.

Kanghmun South atanga ZALEN thudawn danin, Nancy Lalneihpuii hi ni 13.11.2023 (Thawhtanni) khan an khawdai maiah Thingsemin zawngin a chhuak a, tlai lamah a haw tak mai loh avangin, a chhungte'n an zawng zui nghal a ni.

Hemi hnu hian khawtlang huapin a chin ngaihven a ni a, a thlalak leh a bo dan te pawh social media ah tih darh a ni. 

Vawiin (16.11.2023) chhun lam khan Siaha atangin Kanghmun South YMA hruaitute'n information an dawng a, tunkar Thawhlehni khan Siaha ah hmuh a nih thu leh, a chanchin te an zawhfiah laiin a lo bibo leh hman a, he thu ziahlai thleng hi chuan a chin hriat a ni leh ta rih lo.

Nancy Lalneihpuii awmna chin hria emaw lo hmu te chuan a hnuai a phone number tar lanah hian hriattir turin an ngen.

H.Lalmuankima

 President

 8414961059

Lalsawimawia Ralte

 Secretary

 9366505106

 H. Lalrimawia

 Assistant Secy

 7005582832

 YOUNG MIZO ASSOCIATION

KANGHMUN SOUTH BRANCH