Aizawl; Nupa thattu a ngaih kumtlinglo (16) chu nimin khan JJB hmaah police te’n an hruai a, hmun himah dah nghal niin thu kan dawng. Zalen thudawn danin July 8-a Lalrin-chhana (46) leh a nupui Lalzuimawii (42), Chhanchhuahna Khawpui te ramriak thattu a puh naupang hian JJB hmaah hian a u (pa hmun nu hrang) te nupa nen hian ramah an riak a, a u pasal chuan zawng sa tui hang a hawp chak thu sawiin naupang chu zawng veh turin a tir a, ulhbun a kentir a. Naupang chuan a u ten tun hnaiah NLUP sum an dawng tih a hria a, a rilru thlak thut in zawng veh tur a a kal chu let lehin a u pasal chu ulhbun chuan a kap a, a u hmeichhia pawh thingfak a a vuak hrep bakah hreiin an nupa hian a chek nual niin thudawnna chuan a sawi. Mobile phone a awh vanga hetianga che ta mai nia a insawi thu thulakna rinawm tak atangin Zalen chuan thu a dawng a ni.