Aizawl: Mizoram sawrkarin MPSC kaltlanga nikum lama Nurse tur mi 25 a lakte chu a pawm loh zet hnuah tun hnai khan a pawm thar leh.Aizawl: Mizoram sawrkarin MPSC kaltlanga nikum lama Nurse tur mi 25 a lakte chu a pawm loh zet hnuah tun hnai khan a pawm thar leh. Health & Family Welfare Commissioner Lalrinliana Fanai-in ni 9.11.2017-a Notification a tihchhuahah Council of Minister thukhawm chuan MPSC in Nurse atana mi 25 a lo rawt (recommend) tawh te chu a ngheta lak a remti tih a tarlang. Zalen zawhna chhangin Health department thawktute chuan Nurse te tana thil tul hi an buaipui mek tih an sawi a, buaipui ngaite an buaipui zawhah appointment hi an tichhuak dawn niin an sawi. May 9, 2016 khan MPSC chuan staff nurse 25 lakna atana Advertisement hi a tichhuak a, written leh interview neih hnuah nurse tura rawt (recommend) zingah hian khatih laia MPSC chairman monu a tel ve avangin leh a tlinglo lak an awm nia MZP ten an hriat avangin he hnalak hi cancel turin an phut a. Sawrkar pawhin a pawm loh thu a sawi hnuah tun hnai khan ngaihtuahna thar hmangin MPSC rawtna hi a pawm ta a ni.