DOWNLOAD OUR APP

Read latest news on your phone
app-store
October 24-ah One in Christ music video album thar
Oct 20, 2022

One in Christ (OiC) chuan an music video album thar 'Lalpa'n min pui a ni' tih chu October 24, 2022 Thawhtanni hian Pi Zaii Hall (Synod Conference Centre) ah an tlangzarh dawn ta. OiC hian music video album tha tak pahnih an lo tichhuak tawh a, tuna mi hi a pathumna tur a ni - ngaihthlak a man hla leh dawn e.  

'Lalpa'n min pui a ni' album-ah hian hla pakua a awm dawn a, chung zinga hla pariat lai chu an leader Alvin Lalruatfela buatsaih niin hla pakhat dang hi chu PC. Lalneihtluanga (Bawngkawn) phuah a ni thung. An zai ngainatute tan chuan an album thar hi lei ngei chi a ni ang. 

One in Christ hian kum 2016 khan an music video album pakhatna 'Ka lawm e Lalpa' an tichhuak a, tun thlengin an hlate hian sak a hlawhin a lar hlawm hle. An album pahnihna 'Kei kher maw Lalpa' chu kum 2019 khan an tichhuak leh bawk. Tunah a pathumna tur an sual chhuak leh ta - music video pakhat pawh a hautak teh lul nen music video album pathuam lai an puitlin dawn ta reng mai!

Hetih rual hian tuna an album tihchhuah tur hi album ang zawng chuan a hnuhnung ber tur a ni tawh dawn a, a hlu leh zual dawn. Lei theih tura buatsaih niin pendrive 8gb ah an dah dawn a, Rs. 500/- zelin a lei theih dawn a ni - release hmain pre-order a tih theih bawk. 

Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh