DOWNLOAD OUR APP

Read latest news on your phone
app-store

October ah heroin cheng nuai 900 chuang hu man tawh

Oct 07, 2022

Thenawm ram, Myanmar atanga Mizoram a ruihhlo rawn lut a tam thawkhat nia ngaih theih turin ramri-ah ruihhlo (heroin) man a ni deuh reng a, tun October thla chhung ringawt ah pawh international market rate a chhutin Rs. Nuai 900 chuang hu man a ni leh tawh.

October 7, 2022; Thenawm ram, Myanmar atanga Mizoram a ruihhlo rawn lut a tam thawkhat nia ngaih theih turin ramri-ah ruihhlo (heroin) man a ni deuh reng a, tun October thla chhung ringawt ah pawh international market rate a chhutin Rs. Nuai 900 chuang hu man a ni leh tawh.

Police thuchhuah tarlan danin, October ni 5 khan Zokhawthar PS team te chuan Zokhawthar Immigration Check Post-ah endikna neiin, heroin grams 164 (hawng 12), international market-a Rs. Nuai 82 man chu Myanmar mi Lalrindika (42) s/o Lalluaia (L), Khawmawi, Myanmar nia inchhal kut atangin an man a. 

October ni 3zan khan Champhai Police, Chalbawiha Junction, Khankawn Police Check gate duty te chuan heroin Kg 1.289 (hawng 100), international market-a Rs. Vbc. 6.4 chuang man chu Hobibullah (19) s/o Suhkkur, Duhalia Part-I, Karimganj, Assam leh Anachar (22) s/o Rasid Ali, Dakshin, Haitarkha, Karimganj, Assam nia inchhal te kut atangin an man bawk.

October ni 3 vek khan ChamphaiPolice patrolling party te chuan Zote khawdaiah heroin gram 137 (hawng 10), international market-a Rs. nuai 68 man chu, Ishaam Uddin (21) s/o Lukman Uddin, Karimganj, Assam nia inchhal kut atangin an man. Champhai PS Case, 21(b) ND & PS Act hnuaia ziahluh niin chhui chian zui mek a ni.

Ocotber ni 1 khan Special NarcoticPS team te chuan heroin gram 248.36 (hawng 19), international market-a Rs. Nuai 124 chuang man chu, Thangzamuana (30) s/o Thangkhawsiam, New Lamka, Churachandpur, Manipur (Champhai Vengthara cheng mek) leh Myanmar lam mi Lianlamkho (26) s/o Zamngaihkhual, Darkhai, Tonzang, Myanmar (Champhai Bethel Venga cheng mek) nia inchhal te kut atangin Durtlang Leitan, Selesih road, Aizawlah an man bawk.

Share now