DOWNLOAD OUR APP

Read latest news on your phone
app-store
Odisha rel chetsualna : YouTuber CarryMinati-a'n Rs. 13 lakhs khawn khawm sak
Jun 05, 2023

Odisha-a rel chetsualna rapthlak tak thleng chuan ram chhung leh pawn thlengin a deng chhuak a, YouTuber CarryMinati pawhin tanpuina vehbur khawn sakin Rs. 13 lakhs chuang zet a hmu chhuak.

CarryMinati hian a YouTube channel CarryisLive-ah darkar li awh charity stream a buatsaih a, mi maktaduai thum chuangin an en tawh. Heta atanga donation tling khawm hi Rs. 12 lakhs vel a ni a, amahin Rs. 1.5 lakhs a thawh belh bawk. Heta atanga sum lutte hi vanduaina tawkte tanpui nan Odisha Chief Minister Relief Fund-ah a chhung dawn a ni. A sum hmuhchhuah tawh zawng zawng hi Pathianni thleng khan Rs. 13,37,612 a ni tawh a, a la pun belh zel bawk. 

June 2, 2023 Zirtawpni khan Odisha-ah hian rel pathum an insu a, pahnih hi khualzin phur a ni nghe nghe. Rel-ah hian mi 3000 chuang an chuang a, mi 300 dawn an thih tawh bakah hliam tuar mi 1000 chuang an awm bawk a ni.

YouTuber lar CarryMinati hian kum 2022 khan Assam leh Bihar tuilian tuarte tan vehbur a lo khawn sak tawh a, Rs. 12 lakhs khawn chhuakin, aman Rs. 1 lakh a thawh bawk. Hemi hma hian 2018 khan Kerala tuilian tuarte leh, Pulwama inlambunna bakah, Odisha-a cyclone Fani avanga harsatna thlengah te a lo che chhuak tawh bawk. Hei mai hi a ni lo - kum 2019 pawh khan Australia ram kang leh Covid-19 avanga harsatna tuarte tan a lo che chhuak tawh bawk a ni. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh