ZALEN Oct. 21, 2025; Oil man sang vanga lungawilohna lantir a lirthei ding tur an awm laiin, a pangngai anga tlan tum an awm bawk a, mipui nunphung erawh a tibuai viau dawn niin a lang.

Mizoram Commercial Vehicle Union (MCVU) ten oil man tihhniam phut a October ni 23, 2024 (Nilaini) zing dar 6 atanga lirthei din tur an tum chungchang chu lirthei a eizawng pawl hrang hrangten an ngaihtuah chho mek zel a, All Mizoram Commercial Tipper Association, Owners & Drivers chuan an MCVU thu hi an thlawp dawn lo tih an puang a, tanker te pawh a pangngai angin an tlan dawn a, Taxi te pawhin MCVU thu hi an zawm dawn lo tih an lo puang tawh.

Hetihlai hian MCVU thu chhuak hi lirthei a eizawng pawl tam zawk chuan an zawm dawn niin a lang a, chung zingah chuan City bus, Maxi Cab te pawh an tel.

MCVU hmalakna hian mipui a nghawng na hle dawn niin a lang a, sawrkarin ngaihtuahna thar a siam leh dawn nge, MCVU lam hi an inhnukhniam dawn tih chu mipui tam ber te thlir mek a ni...?