Aizawl: Mizorama oilpalm leitu company pathumte chuan nikum December thla tawp thleng khan oilpalm tharchhuah metric ton 19288.602 leiin kuthnathawktute hnenah Rs. 10,31,11,742 an pechhuak tawh. Agriculture department thawktute hnen atanga Zalen thudawn danin oilpalm thar chhuahte hi company pathum Godrej Agrovet Ltd., Ruchi Soya Industries Ltd leh 3F Oil Palm Agrotech Ltd. ten an lei mek a.Company hrang hrangte hian Mizoram district chu chan insemin Godrej Agrovet Ltd. hian Mamit leh Kolasib an chang a, Bukvanneiah Mill neiin oilpalm thahnem tak an lei tawh a. Company dangte hi chuan an la lei tam lo hle a, Aizawl, Siaha leh Serchhip district changtu 3F Oil Palm Agrotech Ltd. te phei chuan inhnuhdawh an tum nia thudawn a ni. Company hrang hrangte hian oilpalm hi kg-ah Rs.5.50-in an lei a; mahse, Mizoram sawrkar chuan support price pe in kg khat zelah Re.1 a tumsak hnuah kg-ah Rs. 6.50 chu lo neitute hnenah pek thin a ni. Company 3-te hian April-December 2017 chhung khan oilpalm metric ton 4933.156 leiin kuthnathawktute hnenah Rs.271,32,128.50 an pe a ni.