Aizawl; Mizoram a Oil leh Gas zawngtu Company te chuan an thil zawn man (license fee) atan Mizoram sawrkar hnenah Rs. 1,52,372,541 an chhung lut tawh. Sum chhunglu-ttu te hi Hortoki, Meidum leh Bairabi vela Oil zawngtu ONGC I te chhunluh Rs. 6,39,60,000 te, Chhimlama Oil zawngtu Naftogaz, Reliance & Geopetrol chhunluh Rs. 2,46,09,200 te, hmarlama zawngtu ONGC II te chhunluh Rs. 13,39,100 leh Mau-buang bula leiverh mek Oil India Ltd. te chhunluh Rs. 6,24,64,241 te an ni. Heng sum te hi license fee vek a la ni a, Oil hi laihchhuah anih hunah chuan a hlawk-na hi 50:50 in central leh state in an la insem leh dawn a ni. “12th Finance Recommendation ruahmanna anga kalpui tum a ni a, a theih tura ngaih a ni mek a, 50:50 in Mizoram chuan a hlawkna a tel pha dawn a ni,” tiin Dr. Lallenmawia, Director, Geology &?Mineral Resources Department chuan ZALEN a hrilh a ni. Hetih lai hian Meidum bula Gas hmu tawhtu ONGC chuan hnathawh theih veleh Lungdai, Meidum, Hortoki, Pangbalkawn leh a remchang laiah te Meidum bula an verh ang hian leiverh hna hi an thawk leh dawn a, heng hmun ah te hian Gas tam tham tak a awm ngei an beisei. Meidum ah hian Gas 2.2 billion cubic metre a awm ngei tih finfiah a ni tawh a, mithiamte chuan Mizoram ah hian Gas 100 cubic billion a awm ngei an ring bawk. **Kum Pawisa (Rs.) **2010-2011 3,77,19,441 **2011-2012 4,40,62,000 **2012-2013 2,36,07,100 **2013-2014 2,34,92,000 **2014-2015 2,34,92,000 **Total 1,52,372,541