ZALEN December 24, 2025 : Green Mizoram Network (GMN) chuan vawiin khan an Executive Member Lalruatpuii, Operation Kingdom Ministry founder ni bawk enkawl OKM Home, Phunchawng a mi chu tanpuina sumfai bakah an member Lalthanzama thahnemngaihna-in vawk pum khat an hlan.

Operation Kingdim Ministry hian tun dinhmunah ruihhlo ngai mipa hlang 412 an enkawl mek a, thawktutu hi 38 an awm mek bawk. Tun hunpuiah hian ruai theh thei lo mai turin an inngai a, amaherawhchu, mi hrang thahnem ngaihna avangin ruai hi an theh thei dawn tak avangin an lawm hle.

Pathianni khan Central YMA nen inremna siamin OKM Home -ah hian felfai takin an mi man te an dah lut thei dawn a ni. Kumin biakah hian an Home atangin tlanchhuak an awm miah lo chu Home enkawltute hi an lawm hle a ni.