Aizawl: Mizorama tar enkawlna awmchhun Govt. Complex venga awm Old Age Home panna kawng thawm thatna tur pawisa dil mek anih thu Social Welfare Department hotute chuan Zalen palai an hrilh. Old Age Home-ah hian mi 9 enkawl mek a ni. Zalen thudawn danin Old Age Home hi kum 1989 ah din niin tuna a awm mekna Govt. Complex-ah hian 1996 kum tawp lamah sawn a ni a, a kawng hi metal a la ni lo a, furah chuan a diak kawi thin hle niin a veng mite chuan an sawi. Zalen palai zawhna chhangin Social Welfare Department hotute chuan Old Age Home kawng thawm thatna tur sum chu Finance ah dil mek anih thu an sawi a. Old Age Home hi Mizorama a awmchhun a niin thawktu 8 awm an awm a. Kum 60 chin chunglam enkawltu nei lo te enkawl niin mipa 6 leh hmeichhia 3 enkawl mek a ni a, an enkawl zinga upa ber leh awm rei tawh ber hi kum 93 mi niin 2017 hi a kum 21  a awm tawh a ni.