October 4, 2023; Mizoram sawrkar hnathawk New Pension Scheme in a huamte chuan vawiin khan Old Pension Scheme hman ve an duh tih lantirin, Chief Minister pisa thlang, Mizoram State Museum tual kawngpuiah an pungkhawm.

Old Pension Scheme hman duh mi engemawzah pungkhawmin, an hruaitute leh Chief Minister Zoramthanga an inkawm a, CM hian Study Team din a nih tur thu a lo hrilh.

CM Bangla bula punkhawm ah hian buaina a awm lo a, Old Pension Scheme hman duha pungkhawmte hian Mizoramah pension scheme pakhat Old Pension Scheme chiah awm tura an duhthu sawiin an au rual a ni.

Mizoram Movement for Old Pension Scheme (MIMOPS) te chuan Old Pension Scheme an hman ve theih nan theihtawp chhuahin hma an la thin tih an tarlang a, amaherawh chu an hmalaknain awmzia a neih tak loh avangin peacefull rally an nei ta tih an sawi.

Chawhma dar 11 vel atangin an pungkhawm a, chhun dar 12 velah harsatna awmlo in an tin.