Nilaini zan zanlai khan Premier League inkhelah Manchester United chuan an mual Old Trafford-ah North London club Tottenham Hotspur mikhualin 2-0 in Unitedan chak.

First half-ah ringawt pawh Lloris-a'n save ropui tak tak tak panga lai an nei a, United hian Spurs goal-ah shot 19 zet an nei a, tum dang zawng ai chuan an khelin awmzia a nei tih a hriat. United hian inkhelh quality sang tak an lantir a, goal lmah vanduai lo se hei aia tam thun thei hi an ni. 

An chakna hian Manchester United hian khelh 10 atangin point 19 an hlawhchhuak tawh a, table-ah pangana an ni mek a, hmahruaitu Arsenal chu point 8-in an la phak rih lo. Spurs hian Manchester City aia chungnung zawka kal theihna hun remchang an hloh a, khelh 11 atangin point 23 an hlawhchhuak tawh thung a, pathumnaah an awm chhunzawm rih bawk.

Old Trafford-ah hian second half-ah Fred-a hmangin minute 47-ah goal hmahruai an khung a, Bruno Fernandes-a'n an goal hnihna minute 69-ah a khung veleh. Inkhelh pawimawh leh hmuhnawm takah hian United-in point thum pawimawh tak an hlawhchhuak.

Kha inkhelhah khan United khan an khel tha a, tun season-a an khelh that ber tum a tih ngam. First half-ah chance an insiam nual a mah se goal-ah erawh an hmui lutuk lo. Marcus Rashford-ah shot, Tottenham goalkeeper Hugo Lloris-a'n a save sak phei chu tha tak a ni. 

United hian inrinni zanah Chelsea an tlawh leh nghal dawn a, an inbuatsaih chho nghal ang. Tottenham hian Pathianniah Newcastle United an mikhual ve thung ang.

United striker Cristiano Ronaldo chuan inkhel bul a tan leh lo va, lut lo tluanin inkhel tawp hmain tunnel lamah a chhuak tau nghat nghat bawk. 

Nizan inkhel score leh result

    Bournemouth 0 - 1 Southampton
    Brentford 0 - 0 Chelsea
    Liverpool 1 - 0 West Ham
    Newcastle 1 - 0 Everton
    Man Utd 2 - 0 Tottenham

    Team         P    GD    Pts
1    Arsenal   10    14    27
2    Man City  10    23    23
3    Tottenham 11    10    23
4    Chelsea      10    5    20
5    Man Utd      10    0    19
6    Newcastle 11    9    18
7    Liverpool 10    10    16
8    Brighton  10    3    15
9    Brentford 11    1    14
10    Crystal Palace
          10    -1    13
11    Bournemouth 11    -13    13
12    Fulham    10    -4    12
13    West Ham  11    -3    11
14    Southampton 11    -8    11
15    Everton   11    -4    10
16    Leeds     9    -2    9
17    Aston Villa 10    -6    9
18    Wolves   11    -9    9
19    Nottm Forest 11    -16    6
20    Leicester 10    -9    5