One in Christ (OIC) chuan nimin chawhnu khan Mission Veng Kohhran Hall-ah, kum 2022 term atana member hlanna hun an hmang. He hun hi R. Lallawmawma chuan a kaihhruai a, Rev. C. Sapkaia chuan member hlanna hi a nei a ni. 

OIC leader Alvin Lalruatfela chuan thusawiin, a khat tawkin malzai ngaihthlak tur a awm bakah, One in Christ te hi a tawp khar nan an zai bawk a ni. One in Christ (OiC) hian kum tir lam khan member thar pahnih an lakluh thu an puang a, hetih rual hian an member ni lai pahnih an chawl ve thung. Nikum lama an member - Masangi leh Kimkimi te chu term tharah hian an hmel kan hmu tawh dawn lo a, mithar kan hmu dawn thung.  

Masangi hian nikum December khan pasal a nei a, OiC rawngbawlnaah a tel zui thei dawn tawh lo. Hetih rual hian Kimkimi pawh zirna avangin a chawlh a ngai bawk. 

Zaia rawngbawlna kawngah an thawh hlawk zia sawi nawn a ngai lo - kum 10 chuang zet chu mar tha takin rawngbawlna an kalpui ta. OiC hi term mumal tak neiin an kal a, member kal chhuak an awmin term tharah an mahni thlaktu tur an ruat thin a, inhlan tharna hun an buataih thin bawk. Kuminah hian member thar atan -  PC. Malsawmtluangi leh Lalthanzami te an lalut a ni. 

One in Christ (OiC) ah hian term tharah member pasarih an awm leh mek a, an khaipa ber hi Alvin Lalruatfela niin, kuminah pawh leader niin a kaihruai leh dawn a ni. 

OiC 2022 Term Member te :
• Alvin Lalruatfela, Leader (Upper Republic)
• Malsawmtluangi Hrahsel, Asst. Leader (Mission Veng)
• Christina Vanlalnghaki, Secretary (Mission Veng)
• Zomuansangi Pachuau (Venghlui) 
• K. Lalchhuanawmi (Laipuitlang)
• Malsawmtluangi Pachuau (Venghlui)
• Lalthanzami (Tlangnuam South)