Aizawl: Co-operation Minister Vanlalawmpuii Chawngthu chuan Chief Minister in Minister-a a ruat chu thalaite leh hmeichhiate a ngaih pawimawhzia lanna nia a ngaihthu a sawi. Zirtawpni kalta Aizawl South II Youth Congress Block Meet Salem Venga neih a hmanpuinaah he thu hi sawiin, “Congress party-ah hian thalai ten chanvo pawimawh tak tak kan chang a, MLA bakah Village Council leh Local Council hrang hrangah thalai thahnem tak candidate an ni hi Congress party-in thalaite a ngaih pawimawh a tilang a ni,” a ti. Mizoram State Commission for Women Chairperson kalchhuak ni bawk Vanalalawmpuii Chawngthu chuan thalaite mai bakah Lal Thanhawla kaihhruaina hnuaiah Mizo hmeichhiate an thlamuang nia a hriat thu a sawi bawk.