English actor Orlando Bloom chu UNICEF tirhin Ukraine-ah a thlawk lut a, Ukraine President Zelenskyy nen hmaichhanah an inkawm. Katy Perry chuan social media lamah a kawppui Orlando Bloom hnathawh chu chhuanawm a tih thu a lo tarlang ve mek bawk. 

UNICEF chuan Ukraine-ah hian naupangte chhawmdawl nan tanpuina thahnem tak a thawn lut a, Orlando Bloom hi chung zinga an palai pakhat chu a ni. Katy Perry chuan, "Nang leh UNICEF te hnathawh hi ka chhuang khawp mai," tiin a tarlang a,  Ukraine President Volodymyr Zelenskyy leh Orlando Bloom te inkawm lai video tawite a dah chhuak bawk. 

Ukraine-ah hian indona avangin naupang maktaduai tam takin harsatna an tawk mek a, zirna chhunzawm thei lo leh nunna chan pawh eng emaw zat an awm tawh. Zirlai naupang maktaduai 2.7 vel zet chu online-a zirna chhunzawm tura tihluih a ni a, mipa naupang leh hmeichhe naupang maktaduai 1.5 vel zetin rilru lamah harsatna an tawk nia tarlan a ni bawk.