Oscar atangin Will Smith a inhnukdawk
![](/storage/news/post/7blkiHvgORdyUkc0pijnUOvPfHIsQ5P8K4AbYXvW.png)
American actor Will Smith chuan 94th Academy Award-a a chet mawi loh avang khan award buatsaihtu Academy of Motion Picture Arts and Sciences atangin a inhnukdawk tih a sawi a, Oscar-ah hian kan hmu tawh dawn lo.
Oscar sem zawh takah khan Will Smith hian Chris Rock chu kut a thlak a, stage-a kut a thawh lai hi TV-ah live-a pekchhuah a nih avangin sawiselna leh demna nasa tak a tawk zui a ni. A chet dan avang hian a inthiam thei lo a, Chris Rock hnenah pawh ngaihdam a dil tawh. Mahse hei hi Chris Rock-a unau pa chuan pawm theih a ni lo tiin a lo sawi chhang let.
Kum 53 mi Will Smith chuan, "Academy dan ka bawhchhia a, ka chungah eng hremna pawh lek se ka pawm. 94th Academy Award-a ka chet dan kha a zahpuiawm tak zet a, ngaihdam theih loh thil a ni. Chris leh a chhungte rilru ka hliam avangin pawi ka ti a, a hmuna awmte leh lo thlirtute pawh ka tihrilh hai hle a ni. Academy ka phatsan avangin an zinga tel zel tlak ka ni lo," tiin a inhnuhdawh thu a tarlang.
Thil thlen dan
Oscar Award sem zawh taka sawi hlawh tak chu Will Smith-a'n Chris Rock a beng kha a ni a, tun thlengin social media titi pui ber pakhat a la ni. Chris Rock hian Will Smith-a nupui Jada Pinkett Smith chu fiamthu thawh nan a hmang a, a tirah chuan Will Smith pawh a nui ve vur vur. Mahse a nupui a lawm lo nia a hriat hnuah a thin a thawk thut a, dawhsanah lawnin Christ Rock chu kut a han thlak ta a nih kha.
A chet dan hian sawi zui a hlawh a, amah tantu pawh awm bawk mahse demtu an thahnem zawk. Best actor winner Will Smith chuan Chris Rock laka a chet dan chu pawm zam theih loh leh ngaihdam theih loh a nih thu a sawi a, a khawsak dan chu zahpuiawm a tihle. "Chris, mipui vantlang hriatah ngaihdam ka dil a che, ka tidik lo chhia va a ni," tiin a sawi nghe nghe.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024