Oscars 2022 A hun a thleng dawn ta
![](/storage/news/post/gQHrFUAXvAcqW1OcDvqQX9UyNyfVW2nRLx5ORNmD.png)
Film industry-a chawimawina ngaihhlut hlawh ber zinga mi Academy Awards (Oscars) chu sem a ni dawn ta, kan ram hunah chuan Thawhtanni zing lamah en theih a ni ang.
94th Academy Awards hi Dolby Theatre, Los Angeles-ah sem a ni dawn a, ABC chuan live-in an pechhuak dawn a ni. Award ceremony hi - Regina Hall, Amy Schumer leh Wanda Sykes ten an host dawn a, an vil hneh hle tura ngaih a ni.
Kumin hian 'The Power of the Dog' chu nomination hmu hnem ber niin, category 12 zetah award dawng thei tura chhawpchhuah a ni. Award ngaihhlut Best Picture dawng thei tur zingah pawh a tel a, 'Dune' chuan nomination 10 hmuin a langsar viau bawk.
Award hlan tur zingah - Bill Murray, Lady Gaga, Kevin Costner, Samuel L. Jackson, Zoë Kravitz, Mila Kunis leh Rami Malek te an tel a, milar tam tak an fuankhawm leh dawn. Anni bakah hian Jason Momoa, Serena & Venus Williams, Chris Rock, Yuh-jung Youn, Sean "Diddy" Combs, Jamie Lee Curtis, Woody Harrelson, Shawn Mendes, Tyler Perry, H.E.R., Tiffany Haddish leh Elliot Page te an la awm cheu bawk.
Best song nominees - Beyoncé, Van Morrison leh Billie Eilish te chu perform tur an ni a, mahse Van Morrison a inlan thei dawn lo niin media te chuan an tarlang. Beyoncé leh Billie Eilish te a chiang tawh a, anni bakah hian Finneas, Reba McEntire leh Sebastian Yatra te an perform dawn bawk.
Beyoncé hian King Richard original song 'Be Alive' a perform dawn a, he hla hi Best song nominee zingah a tel nghe nghe. Eilish leh Finneas ten 'No Time To Die' an an sa bawk ang. Becky G leh Luis Fonsi te chu 2022 Academy Awards-ah hian inlan tur anga tarlan an ni leh bawk - a hunah engkim a chiang dawn e.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024