A hriselna dinhmun that loh vangin a programme canel ni mah se chawlh mai a la tum lo - Ozzy Osbourne chuan tour neih leh ngei a duh thu a sawi chhuak leh ta cheu mai. Black Sabbath star hian fan te chu dawhthei taka nghak turin a ngen a, amah pawh a tha chho zel tih a sawi bawk. 

Kum 73 mi lai ni ve tawh Ozzy Osbourn chuan, "Fan te hi ka nuna mi pawimawh berte chu an ni, anni nena hun hmanho tluka nuam a awm lo," tiin a sawi a, an hmaa inlan leh ngei a tum thu a sawi.  

Ozzy Osbourn hi kum 2018 atang khan a hriselna dinhmun a tha tak tak thei lo a, natna chi hrang hrang a nei. Kum 2020 khan a chenna inah a tlu a, hemi hnu pawh hian zai tenau a tawk a, Covid-19 a kai ve leh bawk. Hetiang karah hian tour neih leh ngei a la duh a, a hlawhtling thei ang em tih erawh sawi lawk theih a ni lo. 

Osbourne hian chawlh lam a la sawi ri lo a, "Stage-a kir leh ngei ka tum a, harsatna atanga dinchhuah hi ka tum ber a ni thin," tiin, chawlh mai a la tum loh thu a sawi chhuak a ni.