Kum 74 mi lai ni ve tawh Ozzy Osbourne chu a tour thei tawh dawn lo niin a fapa Jack Osbourne chuan a sawi. Ozzy Osbourne hi a hriselna dinhmun a tha lo a, tun hnai mai pawh khan hospital-ah admit a ni. Hetiang boruak karah hian a fapa Jack Osbourne chuan a pa chungchang hi sawiin, tour a neih theih a rin tawh loh thu a sawi a ni. 

Kum 38 mi Jack Osbourne chuan, "A tour theih ka beiseipui tawh lo. Mahse vawi hnih khat tal show neih leh a duh ka ring a, festival leh thil dangah a ni tawh thung ang," tiin tour nei leh tura a beiseipui tawh loh dan a sawi chhuak. 

Ozzy hian natna vang ang reng tak parkinson a nei a, nikum pawh khan zai a lo tawh phah tawh a ni. Kum 2003 khan bike-in a che sual a, a kum a lo chawhnu ve tan tawh bawk nen a hriselna dinhmun a ziaawm tak tak thei lo a ni. Black Sabbath frontman hian kumin June thla pawh khan zaipui a tawk leh a ni.