DOWNLOAD OUR APP

Read latest news on your phone
app-store
'PA HAUSA' June 9-ah tlangzarh dawn
Jun 04, 2023

Film hit tak tak - Ka Bialnu, Driver Kima leh Brother Zova te lo siamtu In-House Production chuan film thar an rawn chhawp chhuak leh dawn ta e. Tun tuma an tihchhuah tur hi Pa Hausa 'Ka aim in life' tih a ni a, June 9, 2023 hian tlangzarh a ni ang. 

Pa Hausa film-ah hian lem chan lama hriat hlawh em em Papuia Pachuau a inlan leh a, a hmuhnawm leh pek dawn! Papuia hi Tlau Entertainment buatsaih Mizo Film Award 2021-ah khan Best Actor award hlan a ni a, tun dinhmunah chuan ani aia tha an awm chuang kher awm lo e. 

Papuia hi In-House Production kutchhuak 'Driver Kima' film-ah khan hnehsawh takin a inlan a, he film hlawhtlin theih nana mi pawimawh tak a ni. 'Brother Zova' film-ah pawh a inlan a, tun tumah pawh hian In-House Production te nen an thawkho leh a ni. 
Pa Hausa film-ah hian Papuia hi Sangsangi nen an chang dun a, kan hmuh thin midangte pawh inlan an awm nual - a hmuhnawm leh viau dawn e. Sangsangi hi mipui mit fukna tur a ni dawn a, a rawn lar chho a nih pawhin a mak lo ang. 

Scriptwriter hi Samuel Pachuau bawk a ni a, In-House Production film hi chu a kutchhuak a ni deuh zel. An director hi Drew Pachuau niin, In-House Production produced a ni nghal bawk - Kristie_avon chu co-producer a ni. 

Pa Hausa 'Ka aim in life' hi - drama, comedy leh inspiration chawhpawlh a ni a, nuihna tur a tamin zirtir pawh a nei tha viau tura beisei a ni. June 9, Zirtawpni zan khian Vanapa Hall-ah tlangzarh a ni dawn a, a hmunah premier a ni ang a, Lersia Play App lamah en theihin a awm bawk ang. 

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh