Tun hnaia film chhuak thar hit zet mai 'Pa Hausa' film-a a changtunu Sangsangi chuan film chan chhunzawm a tum rih loh thu a sawi. 

Sangsangi chuan, "Zirlai ka la ni a, ka zirlai dah pawimawh hmasak phawt ka duh. Sawmna ka dawng a nih chuan chan ve leh chu ka la tum," tiin, zirlai dah pawimawh hmasak a, film luh chilh leh pawh a hreh loh thu a sawi. 'Pa Hausa' film-ah hian Mizo actor lar Papuia Pachuau nen an chang dun a, an inhmeh hle a ni. 

He film hi In-House Production kutchhuak a ni a, mipui ngaihven a hlawh hle. Lersia Play app lamah en theih a ni a, entu pawh an thahnem hle. 

Sangsangi hi a vawi khat film channa a ni nghe nghe a, mahse rin phak bakin a che tha. Hei vang hian mipa ten an star rawn a, a chanchin hi an ngaihven hle a ni. Chutih rual chuan thu hriat nuam lem lo tak a sawi a, hun eng emaw chen chu lemchan lamah a hmel kan hmu thei dawn rih lo a ni - chawlh hlen a tum lo tih erawh hre tel ila.