November 9, 2023; Nizan zanlai dar 12 bawr vel khan Jammu & Kashmir a duty BSF, Head Constable Lalfamkima (50) h/o F. Lalzarliani, Durtlang North chu Pakistan Sniper in a kaphlum.

ZALEN thudawn danin, Lalfamkima te hi Jammu & Kashmir a India leh Pakistan inrina lai bawr vel a duty an ni a, nizan dar 12 khan a duty hun a zo a, midang nen duty inthlak an inthlak fel hnu, a duty post a chhuahsan fel deuh chiah tih ah Pakistan Sniper in a rawn kap a, damdawiin panpui nghal nimahse, a hliam tuar loin, tukin dar 4:30 khan a boral a ni.

A ruang hi vawiin ah postmortem tih a ni a, ruahman dan chuan naktuk November ni 10, 2023 ah a chenna Durtlang North thlenpui theih beisei a ni.

Lalfamkima hi Durtlang North ah a nupui fanau te nen a khawsa niin, fa pathum, mipa pakhat leh hmeichhia 2 a nei.

Thlalak : Lalfamkima leh a nupui F. Lalzarliani