November 10, 2023; Pakistan sipaiin an kah hlum BSF (head constable) Lalfamkima (50) h/o F. Lalzarliani, Durtlang North ruang chu a chenna in thlenpui a ni tawh.

ZALEN thudawn danin, Lalfamkima ruang hi vawiin chhun dar 12:30 bawr vel khan a chenna in thlenpui a ni a, zanin ah lumen a ni ang a, naktuk ah sipai chawimawina famkim nen vui a ni ang.

Border Security Force (BSF) sipai (head constable) Lalfamkima (50) h/o F Lalzarliani, Durtlang North hi Ramgarh Sector, Samba district, Jammu-a ramri an vennaah Pakistan sipaiin an kap hlum a.

BSF 148 Battalion-a head constable Lalfamkima hi ramri vengin Jammu-a Pakistan ramri hnaihah a duty a, November 8, Nilaini zan khan Pakistan sipai nia hriatte'n silaia an ralsainaah an kap fuh a, damdawi-in panpui a nih laiin zanlai pelh hnu dar 12:30 velah a hliam tuar loin a thi a ni.

Lalfamkima ruang hi nimin khan damdawi-inah endik a ni a, vawiin hian Aizawl rawn thlenpui niin, Lalfamkima hian a nupui leh a fate pathum a kalsan.