Aizawl: Palak biala INC candidate tur chungchangah MPCC chuan thutlukna a la siam lo a, candidate chungchanga lungawi lo MDC 6-te chu Aizawlah koh niin MPCC President Lal Thanhawla chuan a kawm nia thu dawn a ni.   Palak biala INC candidate tur hian central lama Congress thuneitu sang chuan Speaker ni lai leh bialtu MLA ni mek, Hiphei an ruat a, mahse helai biala MDC 6 te chuan K.Riachho chu candidate atan an duh zawk a, an duhna hi tihpuitlin a nih loh chuan ban thlenga hmalak an tum niin an sawi. Zalen thudawn danin BJP chuan Congress dinhmun an en avang hian Palak biala an candidate tur hi an la puang ve lo a, bialtu MLA ni mek Hiphei hian INC atanga seat a chan loh chuan candidate atan sawm an tum nia thudawn a ni.