ZALEN December 14, 2025: Mizoram Power & Electricity Department-in tender a chhuah, earnest money deposit (EMD) chungchangah India danpui bawhchhiatna a awm nia petition lut chu Gauhati High Court, Aizawl Bench chuan ngaihtuahin ‘Strengthening of Transmission for Sustainable Power Supply in Mizoram under NESIDS (OTRI)’ thawk tura work order tihchhuah tawh chu chawl lailawk turin ni December 9, 2025 khan thupek a chhuah.

Thubuai thehluttu M/S FS & T Electricals aiawha ding ukil chuan party pali - Mizoram sawrkar, Power & Electricity Department, E-in-C, P&E leh work order pek tak, M/s GK Fiscon Ideas JV lakah thubuai thehlutin NIT No. P-37117/1/25-E-in-C(PM)/13, Strengthening of Transmission & Transformation System for Sustainable Power Supply in Mizoram under NESIDS (OTRI) tender a chhuah EMD pawm a nih danah P&E Department chu kalphung dikloa EMD dawng niin a puh a. India Danpui 226 bawhchhiatna a nih thu leh sawrkar chet dan chu dan kalh, duhsak bik nei leh langtlang loah a puh bawk. 

Hetiang case hi Supreme Court-ah lo awm tawhin Vidarbha Irrigation Development Corporation Vs. M.S Anoj Kumar Garwala, (Civil Appeal No 1049/2019) chu court sang ber chuan a lo rem tawh a. Mizoram sawrkarin hnathawk tura a thlan hian hna a thawk a nih pawhin a ‘bid’ chu a hnuah thutling lo angin court-ah ngaih a nih leh dawn tho niin an tar lang bawk.

Petition thehluttu lam chuan November 12, 2025-ah bid security chu dan angin standard bidding document (SDB) leh EMD, JV credentials leh lehkha ngai dangte nen thehluh a nih hnuah November 12, 2015-ah joint venture a awm lo tiin sawrkar chuan a hnawl a. Anmahni lam hrilh hriat emaw, sawifiah turin emaw tihna a awm lo niin an sawi bawk a. Sawrkar chuan Respondent No. 4 (M/s GK Fiscon Ideas JV) hnenah a hna chu a pe ta niin ZALEN thulaknaah chuan a tar lang.

Hetih lai hian sawrkar ukil chuan Ministry of DoNER chuan June 3, 2025-ah project sanction tawhin thla ruk chhunga work order tichhuaha thla 24 chhunga thawh zawh hman a nih loh chuan sum hi lapse thei a nih thu a sawi. 

September 19, 2925-ah tender tihchhuah a ni a, M/s GK Fiscon Ideas JV (respondent 4) chu a chhangtu awmchhun a ni a, November 6, 2025-ah tender kohna tihchhuah a ni leh a, hetah hian thubuai thehluttu pawhin an chhang ve ta a. Hmanhmawh thil a awm avang leh chhan tha tak a awm avangin ni September 19, 2025-a tender chhangtu, M/s GK Fiscon Ideas JV chu hnathawk tura thlan a ni ta niin ZALEN thulaknaah chuan tarlan a ni.

NIT No. P-37117/1/25-E-in-C(PM)/13, Strethening of Transmission & Transformation System for Sustainable Power Supply in Mizoram under NESIDS (OTRI) tender bid pawm a nih dan chu dan kalh anga cho an awm tak avang leh Supreme Court lamah Civil Appeal 1049/2019 a awm tawh avangin Mizoram sawrkar chu hma la tawh hrih loa chawl lailawk turin high court-in thu pek a chhuah ta a ni.

January 15, 2026-ah court ngaihtuah chhunzawm turin a ti leh bawk.

Key Dates & Points

1. Date of Release of RFB/NIT 6.11.2025

2. Date & Time of Pre-bid Meeting 10.11.2025 at 11:00 AM

3. Deadline for Submission of Bid 11.11.2025 till 4:00 PM

4. Date & Time of Opening of Technical Part of Bid 12.11. 2025 at 02:00 PM

5. Bid Validity period - 120 days from date of receipt of technical bid.

6. Estimated Project Cost Total Project Cost - Rs. 47.87 Cr. 

7. EMD/Bid Security - Rs. 57,87,000.00.

(Source - Standard bidding document for EPC Contract)